Wednesday, December 13, 2006

لوقاللولك بكره هتحلى وترووق .....انسى يا بابا هتاخد خزوووق
جالى جواب من المدرسه الثانوى اللى كنت فيها
بيقولولى ليكى ارباااااح عندنا كبيره لنشاطك الرياضى وفى الجمعيه التعاونيه(الكنتين)طبعا
واقولك ايه انا كنت اجدع طالبه فى الثانوى مفيش نشاط رياضىولا فنى ولاكنتينى ولا اى حاجه المهم
مدخلش فصل واحضر
لان من وجهه نظرى التعليم فى الراس والحوش مش فى الكراس والفصل
المهم قلت تمااااااااااااااااااااااااااااااااام اهى الفلوس هيتسرق تلات ارباعها على بال ما توصلنى بس قشطه
هشحن الموبيل على الاقل واعزم البنات على حاجه ساقعه وموصلات الكليه تانى يوم
المهم لبست اللى على الحبل(رايحه اقبض بقا)ونزلت
روحت المدرسه كل اللى يقابلنى من اول الفراش للمدرسين
يقولى بيييييييييييييييييييس النص بالنص
دخلت للموظف قابلنى بطريقه بشوشه جداااا قلت الزووق دا كله ميطلعش الا اذا كان مبلغ محترم
كام يا عمو المبلغ"طبعا عمو دى بس علشان هيدينى فلوس
قالى يا سيتى المبلغ
275
اده جنيه
لالالالالالالا قرش
.......................
؟؟؟؟؟؟؟؟؟؟؟؟؟؟؟؟؟
معلش يا حبيبتى معيش فكه خدى بونبونى

Posted by high_staff at 8:05 AM 5 comments

Friday, December 08, 2006

أولا أحب أشكر أصدقائي الجمال علي دعوتي للانضمام الي هذه المدونة المحبطة جدا جدا .. ولذلك قررت أحبطهم وقررت ان أول حاجة أكتبها تكون إحباطات شعرية للرائع نجيب سرور

أحباطات شعرية
الإحباط الأول : لأن العصر مثل النعش .. لأنى جثة فى النعش .. لأن الناس .. كل الناس .. دمى من قش .. لأن .. لأن .. (المعنى فى بطن الشاعر ، والشاعر عدو خواء البطن ، جوعان فى القرن العشرين ، والإنسان الجائع كلب ! كم فى الجيب ؟! ماذاكنت أقول .. كنت أقول الشعر .. أشعر أنى ميت .. فإلى الفول بزيت ! .)
الإحباط الثانى : بالأمس عدت فى الصباح .. من رحلة الضياع فى المدينة .. كان الصباح مثل وجه قرد .. والشمس مثل إست قرد .. وحين
كنت أعبر الطريق .. كادت تدوسنى سيارة ! كأنها تخالنى إنسان .. ياغابة النعال .. أليس ثم من مكان .. فى الأرض لا يدوسه إنسان ! (ياقريتى .. يا .. قد شوهوها لم تعد تلك التى أحببتها .. مدينتى كقريتى فى جوف أخطبوط ! علمتنى الغناء يا إخطاب .. غنيت ، كم غنيت .. وها أنا أغوص فى رمال الصمت .. واختنق . العش يحترق .. ويهرب العصفور .. يا أيها العصفور عد .. يا أيها العصفور عد .. يا أيها .. لا فائدة !)
الإحباط الثالث : ألليل أخطبوط ! مدينتى فى الليل تدعى الهدوء .. لكننى أموء .. كقطة جريحة فى البرد .. مدينتى ابراج .. والبرد كالكرباج .. مشيت طول اليوم .. كما مشيت كل يوم .. فى الليل والنهار .. بغير مأوى يامدينة السواح .. ياجعبة الجراح ! هذا الهدوء مصطنع .. ألوحش يستريح .. لكى يقوم فى الصباح .. يستأنف الهجوم ! الأخطبوط .. - بطاقتك ! - تفضلوا ! - ما مهنتك ! - كثيرة هى المهن ! لكنه النصيب ! - ما حرفتك ؟ - قد ادركتنى حرفة الأدب ! أنا أقول الشعر ! - وتكتب الأشعار ؟ - وآسف أنا ! ألم أقل هو النصيب ؟! - هو التشرد .. الشغب .. هيا معى ! ................. ................. ( ويثقب الصباح نافذة .. هذا أنا فى الحبس ! الليل والنهار أخطبوط )!
الإحباط الرابع : أفتش فيك عن إسمى .. وانت مدينتى أمى .. معلمتى .. وملهمتى .. وقابلتى وقاتلتى .. افتش فيك .. اعلان :................. سينما :................. مسرح :................. اذاعة :................. تلفزيون :................. صحف :................. مجلات :................. كتب :................. !!
الإحباط الخامس : حين ترون الموت الأسود .. الطاعون .. بأى مدينة .. لا يدخل باب مدينتكم للموت مغامر .. لا يخرج من باب مدينتكم أى مهاجر .. فالموت الأسود لا يجدى منه هرب .. لا يعصم منه الطب .. لا تجدى الحيلة حين يغوص النصل المسموم بقلب! لا يجدى السيف المدفع .. لا تجدى الحرب ! لا يجدى غير الصبر الإصرار الصمت .. والمكر بكل صنوف المكر ! ليس يفل الشر .. غير الشر .. ( الإحباط الخامس محبط .. فليعبر من غير هوامش !! )
الإحباط السادس : لاتنتظر ، أيها الربان إنى متعب ! لا .. تــ .. نــ .. تــ .. ظ .. ز .. نى لا .. تنــ .. ( ناظم نام .. تعب الآباء فناموا .. ماذا فى وسع الأنباء ! لكن .. لكن .. أين أنام ؟! )
الإحباط السابع : نفس الإحباط الأول .. ( ياللعصر اللولب .. فلنبدأ من حيث بدأنا .. .. .. .. .. .. ! ) ء

Posted by Anonymous at 2:52 PM 4 comments

Friday, November 17, 2006

مش هنشوف الاسفلت
افتكرت نكته بتاعه اللى راح يشتغل ممثل ولما سألوة اسمك ايه؟
قاللهم سيد زفت قالوله ماينفعش لازم تغيرة ولما غيرة سمى نفسه على زفت
احنا بالظبط عاماين كدة هنغير 76 بتاعه كيف ننتخب الرئيس؟
نقول لأ عايزين نغير 77 بتاعه المدة يقولولك طيب و88 بتاعه الاشراف القضائى؟؟
خلاص ياجماعه الريس تعطف وتشطف وقرر يعدل 76 من سيد زفت الى على زفت ياقلبى لا تحزن
انا اللى يفرق عندى الزفت نفسه لو اتغير كل حاجه هتبقى ميه ميه بدل ما احنا عمالين نلف حوالين نفسنا
اتولدنا وهنموت فى نفس العهد وولادنا ورانا وشكلنا كدة عمرنا ما هنشوف الاسفلت على رأى أشاوس الداخليه

Posted by high_staff at 10:17 AM 2 comments

Wednesday, September 20, 2006

تقرير سرى من بلاد قمع استان
.................................................
لم يبقى فيهم لا ابو بكر... ولا عثمان
جميعهم هياكل عظميه فى متاحف الزمان
تساقط الفرسن على سروجهم واعلنت دوله العصيان
واعتقل المؤذنون فى يوتهم والغى الاذان
جميعهم تضخمت اثدائهم واصبحوا نسوان
جميعهم قد ذبحوا خيولهم وارتهنوا سيوفهم
وقدموا نساءهم هديه لقائد الرومان
ماكان يدعى ببلاد العرب يوما
صار فى الجغرافيا يدى يهود ستان
الـله يا زمـــــــــــــــــــــان
لم يبق فى دفاتر التاريخ لا سيف ولا حصان
جميعهم قد تركوا نعالهم وهربوا اموالهم
وخلفوا وراءهم اطفالهم وانسحبوا الى مقاهى الموت و النسيان
جميعهم تخنثوا تكحلوا تمايلوا
اغصان خيزران
حتى تظن خالدا سوزان ومريم مروان
الـله يا زمـــــــــــــــــــــان
جميعهم موتى ولم يبقى غير لبنان
يلبس فى كل صباح كفنا ويشعل الجنوب اصرارا وعنفوان
جميعهم دخلوا جحورهم واستمتعوا بالمسك والنساء والريحان
جميعهم مدجن مروض منافق جبان
ووحده لبنان يصنع المياه والشطاّن
فى حين الف حاكم مؤمرك يخذها بالصدور والاحضان
هل يمكن ان يعقد الانسان صلحا مع الهوان
الـله يا زمـــــــــــــــــــــان
___________________
قصيده نزار قبانى

معه وعد انى اكملها هى طويله اوىى
بس احلى قصيده توصف وضعنا الحالى
تقرير سرى من بلاد قمع استان

Posted by high_staff at 11:28 AM 3 comments

Thursday, September 14, 2006


من مواطن بسيط عادي، سحقه الفقر، وأرقه الظلم، وقهره الاستبداد، يؤمن بأنه لا خلاص من الظلم إلا بالتكتل والمواجهة، ولا قيمة لمواجهة فردية، والقيمة في الجموع، ففي المجموع احتماء، وقدرة على مواصلة النضال.
من أجل ذلك أحتمي بكم، وأدعوكم لمظاهرة في مواجهة نظام مبارك الفاسد تبدأ من الساعة السادسة مساء الاثنين 18/ 9/ 2006 بميدان التحرير وسيعقبها لمن يريد اعتصام في خيام في حديقة الحرية (الحديقة المدورة) بميدان التحرير
نص دعوه دكتور يحي القزاز

Posted by high_staff at 8:54 AM 0 comments

Wednesday, September 13, 2006

بدايات الاحباط



av-5466


هذه بدايات انسان عادى من
الممكن ان تلتقى به فى اى لحظة من لحظات الحياة التى نحياها لا ندرى من امرها شيئا.
انسان عاش و تقلب فى دنيا لا تعرف للشفقة معنى ولا للرحمة مكان فنحن ذئاب تبحث عن الفريسة
لتعيش على اكتافها وبعد ذلك تتركها عظاما بالية و
اشلاء محطمةهذه هى الحياة من حولنا لا سعادة فيها و لكن شقاء وعذاب فلو تكلمت معكى عن دنياى لذرفت دموعك
حزنا و الما على حياتى و ايامى التى عشتها فانتى لا تعرفى ما هى الحياةحياتى هى دماء اعتصرها قلبى و دموع استجديها من اعين احالها العذاب و الشقاء الى اعين لا بريق و لا بهجة فيهاو استعطف قلبى المسكين الذى تعتصر دمائه
اعتصارا و يختاستجدى نفسى لعلها تبكى بكاء و تنتحب انتحابا عسى ان تجد السلوى فى تللك الدموع التى ازرفها فالبكاء يجعلنى اعيش فى عالم احس فيه بالراحة النفسية التى تربطنى بهذة الحياةهذه هى حياتى احزان مبللة بدموع الحرمان ومع ذلك سوف استمر فى الحديث معكى فحديثك يبعث فى قلبى السلوى على تلك الحياة القاسية
بلدى
حبيبتى كيف نعيش فى و نعتبر انفسنا من دعاة البشرية المتحضرة اذا كنا لا ننظر الى دخيلة النفس البشرية لنرى ما انطوى عليه قلب الانسان من احزان و الام انى اتسائل فهل من اجابة ................؟ تلك الاحزان التى تحيل حياة النسان الى شقاء دائم و تحيل الليل الى سياط تلهب تفكيرنا و ضمائرنا اننا لو شعرنا بالام الاخرين من حولنا لارتاحت تلك النفوس المعذبة
و القلوب الكليمة و لاكن للاسف الشديد اننا نشعر بالامنا نحن فقط وان جائنا شخص يشكو الامه يجد دموع التماسيح تسبق قولنا و هل تحل الدموع مشاكلنا.................؟و لكنها دموعا ليست من اجل شفقة و لا رحمة فاننا نقول على ذلك
الشخص البائس انه مجنون ولو كان عاقلا لما عذب نفسه و هذا بالضبط حالى مع المحيطين بىفلا يوجد من يفهمنى فانا انسان جئت الى الدنيا و سوف اتركها دون ان اعرف من انا فلست ادرى ما هو مصيرى ولا ما هى امالى التى سوف تتحقق فكل ذلك بيد الله سبحانة و تعالى............................؟فلقد نشات و انا احمل اسما لا اعرف لماذا سميت به و
لكن ابى و امى ارادوا لى ذلك شئت ام ابيت واعطونى اسما لا يدل على حياتى بالمرةاسمونى محمد فلو كان ابى يدرى ما سوف يحيق بى لكان اختار لى اسما اخر و حيد مثلا و لاكنة لم يكن يدرى مصيرى!!!!!!!!!! و ما هى الحكمة التى خرجت بها من حياتى لا شى فقط بعض الكلمات الفاترة فى شطحات العبقرية التى تاتينى من حين لاخر

Posted by Gemyhood at 3:58 AM 3 comments

انا واخويا للبيع
قرات منذ فتره خطاب فى جريده الدستور عن فتاه تبلغ19 عاما
تحكى للاستاذ بلال فضل عن مأساه يتعرض لها كل بيت مصرى عند جواز البنات وجهازهم وكانت النتيجه
تورط الاسره فى مبلغ 150الف جنيه وطبعا كلنا متخيلين الوضع فى الاسره مع وجود 3 فتيات فى مراحل الدراسه
المهم قامت الفتاه بمناشده الكاتب اذا يعرف اى ثرى عربى عجوز من دول النفط ان يتجوزها على اساس يسدد ديون الاسره
او يستطيع يوصلها لاى من ظباط الدخليه على ان تقوم بكتابه تقارير عن زملاءها على ان يسدد الدين
وقالت الفتاه :تذكرت الكاتب الكبير الساخر محمود السعدنى عندما ضاقت به الامور بعد اعتقاله ومنعه من العمل حتى انه
لم يستطيع علاج ابنته الصغيره هاله المصابه بالشلل فقام بعمل اعلان عن نفسه للبيع فى الصحف معدودا ميزاته على انه شاطر ولهلوبه
وبيعمل عجين الفلاحه؟؟؟؟
اعتقد ان كل طبقه المتوسطه هاتعمل الاعلانات دى قريب جدا
وسمعت ان بعض المدونين هيعرضوا نفسهم للبيعفى المزاد العلنى بس معرفتش اكتب ايه فى المميزات ..
السوق محتاج ايه اليومين دول
يعنى البنى ادم اللى ليه سعر فى السوق اليومين دول ايه مميزاته علشان اجهز نفسى بدل ما ابور
قلت انزل المدونات اشور على اصحابى يفطمونى ويمكن حد فيهم عينه عليا ويستخسرنى بدل الغريب ما يشترينى
واهى بيعه ع هوجه البيع اللى فى البلد...اتباع بمزاجى بدل ما الاقى نفسى متباعه زى المصانع على غفله بعملها بموظفنها ولما استلمها المالك الجديد رماهم واللى لحق عمل معاش مبكر
شوفتوا بقا كده افيد على الاقل هيبقى معايا قرشين بدل ما كنت هعور البنتين فى حادثه واخد فلوس كده اوفر
ولو فشل مش قدامى غير انى ابيع اخويا
قعدت فكرت بعدها فى المزادات دايما بتقولوا مين يزود
لان الشىء المعروض المفروض اه ذو قيمه ودا بينطبق على اى مواطن فى اى بلد تانى عدا المصريين
وما فعلته الحكومه بهم لم يجعلى لهم اى قيمهلا داخليا ولا عالميا
تفتكروا برضه حنقدر نقول مين يزود؟؟

Posted by high_staff at 2:30 AM 0 comments

Sunday, September 10, 2006

الاسم فلان الفلانى الحاله عايش
...................
الشخص الذى ابلغ عن حادثه القطارين اسامه عبد الحليم
وطلبوا منه اغلاق الخط
حضرت 24 سياره اسعاف و8سيارات مطافىء لكن حضرت 35 سياره امن مركزى والعديد من السيارات المصفحه
عند وصول الساده الوزراء. النائب الاخوانى محسن راضى تشاحن مع وزير النقل لما يحدث
لفقراء مصر فما كان من الحرس الخاص الامنعه بشده من الوصول للسيد الوزير
قائد حرس وزير النقل برتبه عميد اصطدم من هول المنظر بهلب الونش فسقط مغشيا عليه
مستشفى شبين القناطر بدا باستقبال الجرحى بعد الثامنه والنصف.لا يوجد بالمستشفى اى استعدادات طبيه ولا حتى خيط الجراحه
والشاش والقطن جاء على نفقه الاهالى ولم يتم نقلهم الى القسم المميز الا عندما علم مدير المستشفى
حمدى منصور بوجود التلفزيون الساعه 11صباحا
وفاه شخصين انت اسمائهم فى كشوف الجرحىوتوفوا فى المستشفى واعلن السيد مدير المستشفى وصولهم متوفيين وعند
مواجهته بكشوف الجرحى كان رده"اكيد وصلوا لنا من اى داهيه تانيه"الاهالى اخرجوا كل الجرحى
فرق الانقاذ لم تخرج الا3فقط لتاخرهم
مستشفى النيل بشبرا الخيمه نفس الوضع حالات الوفاه كانت كتيره بين الجرحى كانت كتيره بعد دخولهم المستشفى ولكن المستشفى لم تسجل الا4 اسماء ولم يتحدث اى شخص من الادراه مع الاهالى بدعوى وجود الوزيروالمحافظ وتعامل الامن مع الاهالى باهانه شديده
تم الصاق ورقه على الباب الزجاجى للمستشفىباسماء المصابين39 اسم و4 متوفيين مكتوبه بخط اليد لا يوجد
بها اى تفسيرات وبعض الاسماء تمت كتابتها فى خانه المتوفيين وكتبت بجوارها "عايش".
هذا هو تعامل الدوله مع الشعب فانت واسرتك لا تعنى للدوله شىء .
ماذا بك؟؟
ما الاضرار التى لحقت هذا لا يهم
يكفى ان تعرف اسرتك انك عايش
وكل واحد منا لا يطمع فى اكثر من هذا
ففى مصر اقصى طموحك ان يذكر بجوار اسمك
"عايش"
(الاسم: فلان الفلانى _الحاله :عايش)

Posted by high_staff at 6:38 AM 1 comments

Wednesday, September 06, 2006

اخيرا اقنعت بنتى
.........................



اثناء احدى جلسات الصفاء بينى وبين المزغودة الصغيرة وهى قليلة لمناقشة الخطة الخمسية اليومية الوهمية لمواجهة مجموعة من الكوارث الاسرية نستعد لاستقبالها على الابواب قريبا ومش حصريا اعتقد الكل عندة نفس السبق ومعرفة كيفية التعامل معها اولا الدراسة وما ادراك ما مصاريف الدراسة وعندك واحد رمضان وواحد عيد وعدد كام شهر شتاء وكلوا على بعضو والعمل اية؟ نستغنى عن اية؟ ونتعفف عن اية؟ وننفض دماغنا من اية؟ خصوصا ان الراتب لسيادتى وبالمناسبة ليسانس لغة انجليزية للاسف.. ايوة طبعا لو كان ابويا اللة يرحمو علمنى صنعة ؟؟؟؟؟؟؟؟؟؟المهم لقينا كل الحلول فاشلة قلتلها عندى فكرة حوادث القطارات بقت زى الرز اية رايك نتابع الموضوع دة كويس واول ما نسمع عن حادثة قطر نجرى على موعد الحادث قبل ما توصل الحكومة بساعة ساعتين كدة وفى وسط الزحمة بين الناس اديكى مفك فى وشك او مطوة فى رجلك ونطلعك وسط المصابين ولا من شاف ولا من درى ونقفش الف جنية نحل المشكلة بتاعتناوللاقناع قلت لها ولكى علية يا ستى هجيب لك الشوز اللى نفسك فية وقفص منجة كمان عشان بتحبها.......فكرت شوية وقالت لى طب ما تموتينى احسن وتاخدى 3 الاف مؤقتا وبعدين تاخدى تلاتين الف تشيليهم لجهاز اختى لما تكبر؟؟؟؟؟؟؟؟ قلتلها والله فكرة وممكن بعدها اقدر اقنع التانية برضو بنفس الحكاية ونخلص من الجوز ونرتاح ونطلع بقى نشوف شرم ومارينا والكلام اللى مش هنشوفة خالص فى حياتنا دة واحنا فى الترفيصة الاخيرة نعيش لنا يومين.........الحوار دة حصل فعلا من باب التهريج والسخرية لكن انا عاوزة اقول فى الاخر يا شباب مصر يا ولادنا يا غاليين ما تزعلوش لما الاهالى يجوزوا ولادهم عرسان جاهزة ويرفضوكم

Posted by high_staff at 3:52 AM 3 comments

Monday, August 28, 2006

قمّه الاحباط
.............................
لما تكون قاعد زى حضرتى كدة ونفسك مفتوحة على الكتابة ومحضّر نفسك بمقالين نار او على الاقل من وجهة نظرك انتة ناروهادخل على المنتدى السياسى اللى مشتركة فية والاقى شخصية معفنة من المقربين جاية تقوللى:خلّيكى كدة لحد ما يجيبوكى من قفاكى؟؟؟؟؟؟الكلمة غاظتنى قلتلها اولا محدّش يجيبنى من قفايا دول بالجزمة علطول ثانيا انا هاكتب عن اسرائيل وحرب لبنان قالت لى :هيضربوكى صاروخين يطيروكى من هنا قلت لها:ومالو فدا رجلين المقاومة وسماحة السيد ولسة هاقول يا هادى النور قطع..الاحباط بقى ان النور فضل قاطع للصبح شفت البنية التحتية ؟الاكثر احباطا ان الصبح بافتح المنتدى لقيتة قافل لاشعار اخر وموقع البلوجر واقع........هوة دة الاحباط الدّكر على حق فهل من مبارز؟؟؟؟؟؟؟؟

Posted by high_staff at 1:15 PM 5 comments

Wednesday, July 26, 2006

Posted by high_staff at 11:39 PM 0 comments

ولادى المحبطين طلبوا منى اكتب كلمه افتتاح او استفتاح
لهذه المدونه التى جعلناها ملاذ لنا فىالحظاات احباطنا الحرجه التى تواجهنا كل ثانيه
فحاولت ان اجد كلمات لاعبر بها فلم اجد
لماذا
احباط يا عالم حد محبط يقدر يتكلم
البت الكبيره محبطه احباط كبير والبت الصغيره محبطه احباط كبير برضو
انا بقى احباطى يتوزع على الشرق الاوسط وميكفيهوش
احباط يرمح فيه الخيل.احباط واسع يساع من المحبطين الف
(الف للمصاب وخمسه للمتوفى)
اذا كنت محبط تعالى اتحبط معانا هنا جنب اخواتك....وينزل لك واجب كمان
ايه ؟عصييييييييييييييييييير لا شاى طبعا مش قولنا احباط واذا لم تكن محبطا تعالى نحبطك
او ربنا يسهل لك ومستنينك قريبا يااعم المتفائل
ساترك كل فرد فى الاسره يعبّرعن احباطه براحته مش براحته
قوى .قليل من الديكتاتوريه علشان الاحباط بس
ام العيال المحبطه
اصحاب المدونه

Posted by high_staff at 11:33 PM 2 comments

Tuesday, July 18, 2006

قدوتى

انا المحبطه الصغيره اول حاجه حبيت اقدمها
هو قدوتى مثلى الاعلى
اعتقد كلكو عارفينو طبعا
د.رفعت اسماعيل

Posted by high_staff at 12:39 PM 6 comments
Newer Posts
Subscribe to: Posts (Atom)