مهما حاولت تكون محترم فوزارة الداخلية
لن تسمح لك بهذا.. لية؟هوة كدة-كلة بالجزمة طالما انت مواطن عادى فانت شخص مهان
المكان:مدرسه اسحاق للتعليم الاساسى كفر الشيخ
الزمن:اختبارات الدور الثانى للصف الرابع والخامس يوم 31/7
الفتره:بين انتهاء لجنه الرياضيات واثناء فترة الراحه واستعداداّ للجنه التربيه الدينيه.
عدد التلاميذ المتواجدون بالمدرسه:70 تلميذا وهيئه التدريس
الموقف:مدير المدرسه رجل فاضل جالس فى مكتبه وامامه اوراق اجابات الطلبه الخاصه باللجان.ودخل عليه 5 رجال امين شرطه وأخوه وثلاثه اولياء امور أخرون.السيد أمين الشرطه بعد ما عّرف نفسه وعمل الشويتين بتوعه حدد طلبه أبن أخوه طالب فى سنه رابعه عنده ملحق عربى والعربى تم اختباره اليوم السابق والطالب لم يحضر من اساسه والمطلوب ينجح عادى جداّ(فى مصر) الغريبه ان المدير رفض.طبعاّ اتشتم واتهان ولما المدرسين اتجمعوا انضرب وتوسعت الخناقه وقام أمين الشرطه بتهديد أحد المدرسين بالضرب بالنار وخرج فى حوش المدرسه شتم المدرسه كلها بألفاظ نابيه وخارجه مهدداّ بالطبنجه ورعب التلاميذ من الموقف والشرطه لم تحضر الا بعد نصف ساعه وضاع اختبار الفتره الثانيه وهيسقط 70 طالب عادى جداّ وطبعا مديرر المدرسه اتاخد بالكلابشات أى والله ومعاه 2 مدرسين كانوا بيحوشوا عنه وخرج بطريقه مهينه أمام التلاميذ على البوكس متكلبش فى يد أحد المعتدين عليه وراح القسم وبايت فى التخشيبه معاهم . والتخشيبه ضارب فيها المجارى لحين عرضه على النيابه فى اليوم التالى.
تحياتى لوزير التربيه والتعليم . وسلام كبير لوزير الخارجيه
تحياتى لكل طفل حضر الواقعه وهو يتصفح كتاب القراءة كى يتعلم الانتماء وشجاعه رجل الشرطه
فظيعه يامصر
(العاشرة مساء)
الزمن:اختبارات الدور الثانى للصف الرابع والخامس يوم 31/7
الفتره:بين انتهاء لجنه الرياضيات واثناء فترة الراحه واستعداداّ للجنه التربيه الدينيه.
عدد التلاميذ المتواجدون بالمدرسه:70 تلميذا وهيئه التدريس
الموقف:مدير المدرسه رجل فاضل جالس فى مكتبه وامامه اوراق اجابات الطلبه الخاصه باللجان.ودخل عليه 5 رجال امين شرطه وأخوه وثلاثه اولياء امور أخرون.السيد أمين الشرطه بعد ما عّرف نفسه وعمل الشويتين بتوعه حدد طلبه أبن أخوه طالب فى سنه رابعه عنده ملحق عربى والعربى تم اختباره اليوم السابق والطالب لم يحضر من اساسه والمطلوب ينجح عادى جداّ(فى مصر) الغريبه ان المدير رفض.طبعاّ اتشتم واتهان ولما المدرسين اتجمعوا انضرب وتوسعت الخناقه وقام أمين الشرطه بتهديد أحد المدرسين بالضرب بالنار وخرج فى حوش المدرسه شتم المدرسه كلها بألفاظ نابيه وخارجه مهدداّ بالطبنجه ورعب التلاميذ من الموقف والشرطه لم تحضر الا بعد نصف ساعه وضاع اختبار الفتره الثانيه وهيسقط 70 طالب عادى جداّ وطبعا مديرر المدرسه اتاخد بالكلابشات أى والله ومعاه 2 مدرسين كانوا بيحوشوا عنه وخرج بطريقه مهينه أمام التلاميذ على البوكس متكلبش فى يد أحد المعتدين عليه وراح القسم وبايت فى التخشيبه معاهم . والتخشيبه ضارب فيها المجارى لحين عرضه على النيابه فى اليوم التالى.
تحياتى لوزير التربيه والتعليم . وسلام كبير لوزير الخارجيه
تحياتى لكل طفل حضر الواقعه وهو يتصفح كتاب القراءة كى يتعلم الانتماء وشجاعه رجل الشرطه
فظيعه يامصر
(العاشرة مساء)
Posts
10 comments:
انا حاسس أن دي زي ما تكون أحداث فيلم مش حاجه حقيقيه و حصلت فعلا
حاجه بجد تكسف...مش عارف فاضل ايه يتعمل في الناس
وريحه معفنه بتفوح
بتصحى النتنه النعسانه
وتقولها قومي شقي طريقك بوضوح
لاحسن سرك يروح في الفضا ويبوح
امبوح يا امبوح
مواطن عادي كلب ومجروح
هاقولك ايه
حسبي الله ونعم الوكيل
شكرا للتقرير القيم ده
متشكر جدا عل تعليقك وكلماتك الرقيقه
وبخصوص عيد ميلادي...فا وانت طيب يا سيدي
عقبال مايبق عندك نص قرن انت كمان دا اذا ما كنتش اكبر مني
:p
انا شفت الماسنجر عندي ومافيش اي اضافة
قفوللي ايميلك وانا اعمللك اضافة عندي
المشكلة فى رأيى مشكلة ثقافة عامة لدى ضباط الشرطة ويبدو أن هناك مادة دراسية فى كلية الشرطة اسمها الغتاتة أو كيف تعامل الناس من مناخيرك
انا بقول كدة لانى قعدت مع ظباط كتير وكانت ردودهم متشابهة إلى حد بعيد ونفس المصطلحات تقريبا يعنى مثلا دى قلة مندسة واحنا اللى شايلين البد فوق دماغنا وانت مين قعد معاك وضحك عليك وشوية وهايقولى مين بيمولك من الخارج
وزارة الداخلية والحكومة بشكل عامل تتعامل مع الشعب المصرى على انه طفل عندما يعارض فانه بالتاكيد لم يأتى بهذه المعارضة من داخله وإنما من الخارج ونسمع بقى شوية الكلام الحمضان اياه مصر مستهدفة واعداءها كتير والحقيقة ان مصر اعداءها جواها
شكرا على البوست الجميل ده وربنا يرحمنا جميعا
لك الله ياشعب مصر
تحياتي
فين الجديد
ياااااااااه
ده انت معبرنا على الأخر وعامل معانا أخر إحباااااااااط هو في ايه
فينك ياعم
فعلا الاحباط كله فى مصر
امرنا لله
هى حكاية ضرب ونار
بننا وبين راجل جبار
عارفين لما الشعب اتغرب جوه فى بلده(اه عارفين)
والحمار الساذج ابو عبير ينعم فيها وابنه(مش ناسين)
والمشانق للرايح واللى جاى
والحرامى يبقى باشا وحاجه هاى
اكمل....
احييكوا :))
Post a Comment