مـــدونــه أحــبـــاط
تعلم النضال بدون معلم تريد أن تمارس النضال؟....تعال قل إنني ناجي العلي.. والويل لي إن لم أضع أصابعي العشر بعيني قاتلي والويل لي إن لم أحاسبه علي ما ضاع من مستقبلي إني أنا مخترع الحجاره ومنقذ الثوره من مخالب التجاره الويل لي إن لم أكن حنظله في لوزه المحتال والويل لي إن بعت قامتي أنا بقامه التمثال قل: إنني ناجي العلي قلها فليست كلمه كغيرها تقال قلها تكن مناضلاً هذا هو النضال أجزاء من قصيده كيف تتعلم النضال في 5 أيام بدون معلم أحمد مطر |
posted by high_staff at 12:03 PM
مـــدونــه أحــبـــاط
الجزائر اختنا ف الوطن العربى الجزائر بنت ستين كلب لا الجزائرين يضربوا بالجزمه وناخد حقنا منهم لا احنا الاخت الشقيقه ولازم نحتضنهم لالالالا قاطعوا المنتجات الجزائيريه وانزلوا اضربوا السفاره لالا احنا اخوووات ف العروبه ومحدش هيفرقنا ياعم دول خدوا العمال هناك رهائن عندهم لالا بص نشيلهم من بنك الحظ _________________________________ انا لا هقول مع ولا هقول ضد ولا هجيب سيره الجزائر دلوقتى اساسا سورى بعد اذنكو (انا حقى اعترض فى ايه ايه اللى حصلكوا كلكوا سيبتوا مشاكل مصر والتوريث والتزوير والفساد وادعاء الايمان والبطاله والاقتصاد الواقع قعدتوا تتخانقوا على الجزائر على راى شيشتاوى(صديقى) نقول ان الجزائر هى اللى محتله فلسطين هتحرروها نقول ان هى اللى بتدبح اخوانا فى غزه ياسيدى بلاش اخونا طيب مانتو كل يوم بتضربوا على الحدود والمصريه بلاش خلينا ف مصر نقول بقا ان الجزائريين هما اللى كل يوم بيعذبوا وبيقتلوا المصريين جواه اقسام الشرطه وبيسحلوا الناس ف الشارع ولا نقول ان الجزائريين سرقيين فلوس البلد كلها وبيزورا الانتخابات وبيورثونا لبعض ولا نقول ان بسبب الجزائريين بنموت ف طابور العيش وبناكل لقمه مغمسه بسرطان ولا بنشرب ميه ملعونه بالمرض دا لو لقيناها اتعصبتوا اوى وافتكرتوا المقاطعه والدم والحق والتار لما اتهزئتوا وختوا على قفاكوا فى ماتش ماشاء الله عرفتوا تروحوا سفاره وتضربوها وتاخدوا حقكوا بدراعكو وتفتكروا الكرامه المصريه اللى اتهانت ياريت تتعصبوا واحد فى الميه وتجروا وراا حقكوا لأدميتكوا قبل الكوره |
posted by nadeen_rev at 4:41 AM
مـــدونــه أحــبـــاط
 مـــــــــــن أجــــــــــــلك أنـــــــــــــتhttp://www.flickr.com/photos/yasary-masry/4048813095/ http://gaberism.net/2009/10/27/3ashanak-enta-elbess/ |
posted by high_staff at 3:34 AM
مـــدونــه أحــبـــاط
 مصر هيا...تيتا تعليقا علي رد فعل مصر تجاه أحداث الأقصي أو أي أحداث... أن مصر مستاءه مما يحدث فقط... أي بلد ف العالم اللي بيحرك مقدراتها الشباب بشكل كبير خصوصاً إن شباب بلد زي مصر تعداده أكبر من تعداد كبار السن والأطفال أنا باعتبر نفسي منه فكراً وحماساً لكن مع الألم مع الأسف مش منهم عمراً لما كنت طفله وفي مرحله شبابي كان بابانا ف الوطنيه هوا بابا حسني وكانت مامتنا هيا مصر لما ولادي كبروا ووصلو ل23 و22 سنه بقي بابا حسني بالنسبه لهم هوا جدوا وبالتالي مصر بقت تيتا تيتا عجوزه تيتا بطيئه مريضه بتشتكي من كل حاجه ف جسمها داخليًا وخارجياً.. بنيتها كلها تعبانه من أول البنيه التحتيه وانت طالع لحد المخ كل حاجه فيكي يا مصر بقت عجوزه بطيئه مريضه مرافق أجهزه خدمات مواصلات حتي ف ردود افعالك كانت تيتا زمان وهيا ف عز شبابها لهلوبه كده ولها شمخه وحضور تاخد مواقف. تقف زي الاسد .تعمل تحالفات. تروح. تيجي .تقول اه .تقول لأ.مع الوقت همدت وبقت تشجب وتدين... كبرت شويه بقت تستنكر....ودلوقتي بقي مع الزهايمروأعراض الشيخوخه وفقدانها للإتصال بالعالم واللي بيحصل فيه ساعات بتنسي تاخد أي رد فعل وساعات بتستاء...وساعات ردود أفعالها بتكون غير متزنه ف مواضيع كتير والدكاتره قالو الاستياء مش كويس عشانها .ف ياريت بلاش حد يقوللها أي خبر وحش ...لازم يكون قلبنا عليها شويه يا جماعه دي تيتا برضو إنتو نسيتوها؟؟؟ من النهارده بقي خلاص إمشي يا أقصي..إمشي يا فلسطين خالص.... يا حوادث القطورات بس بقي.,. تيتا تعبانه... امشي يا طابور العيش موتو يا غلابه مش عاوزين نصحي تيتا ونزعلها هسسسسسسسسسسسس تيتا نايمه محدش يصحيها واللي بيحب تيتا بجد يطلب لها الرحمه |
posted by high_staff at 5:28 AM
مـــدونــه أحــبـــاط
أسطوره سيد القرود قصه واقعيه جداااا يقول انها حكايه صينيه من القرن الرابع عشر للمؤلف ليو جى تحكى ان كان يعيش رجل فى مقاطعه تشو الاقطاعيه وكان رجل عجوز استطاع ان يبقى على قيد الحياه بوجود قرده تخدمه وكان يجمع رئيسها ويجبرهم على الذهاب الى الجمل وجمع الفاكهه كل يوم ويسمع لهم بأخذ عشر الفاكهه ويقوم بمعاقبه القرد الذى لا ينفذ هذه التعليمات بالجلد والضرب المبرح وفى احد الايام سئل احد القرده الصغيره هل الفاكهه والاشجار الموجوده على الجبل ملك لهذه الرجل قال باقى القرده لا قال الا نستطيع ان نأخذ ما نريد من الفاكهه دون اذن العجوز قالوا نستطيع فقال اذن لماذا علينا ان نخدمه وننفذ اوامره وبالفعل فى نفس الليله قامت القرده بتمزيق القضبان واخذ الفاكهه حتى التى خزنها الرجل وذهبت للجبال ولم تعد ابدا _________________________ جاء خلفاء للقروود وبدلا من الاستمتاع بحريتهم بحثوا عن رجل اخر ليكونوا عبيدا له بل وعينوا قرودا منهم ليقمعوا بعضهم البعض وانتظروا الرجل ليكبر ويصبح عجوز اكثر قمعا واستبداد عن الذى سبقه لكن بعد فوات الاوان تعودت القروود حياه العبوديه وعندما قام القرد الصغير وسأل هل الثمار والفاكهه والاشجار يمتلكها الرجل العجوز تنحت القرود واللى بص فى السقف واللى قلب القناه واللى عمل نفسه نايم وهمس احد القرود فى ودنه :الله يحرقك بلاش كلام ف السياسه واستمر هذا الوضع للقرود حتى قرر الرجل العجوز ان يورثهم لابنه لان حان وقت التقاعد ماذا ستفعل القروووووووووووود؟؟؟؟؟؟؟؟ هذه هى القصه لماذا نحن استغرقنا 27 سنه لنفهم وحتى الان لم نفهم بعد ولم نتحرك ولم نتحد والاكثر كارثه سنترك الرجل العجوز يسلمنا لابنه الشاب ليقمعنا اكثر واكثر واكثر العبيد احسن منا شأنا حرمنا حتى من عشر ثمارنا اصبحنا نأكل مخلفاتها هل سننتظر ليصبح جمال بيه عجووووز لنثور ونمزق القضبان حقا سنخذل احمد عرابى وسنوررررث اليوم وبعد اليوم وبعد بعد اليوم www.e7bat.blogspot.com اما فى واقعنا هذا |
posted by nadeen_rev at 9:25 AM
مـــدونــه أحــبـــاط
ياه كان بقالى كتير مأحبطش محدش ينخدع احبطت انى احبط عموما عوده للاحباط مره اخرى مرحبا بكم فى عام دراسى جديد رائع ملىء بالامل اولا قرار وزير التعليم العبقرى بمنع طلاب الانتساب الموجه من حضور المحاضرات وطردهم من الحرم الجامعى (يعنى لما اكون انا بدفع 500جنيه واجيب كتب ب 300جنيه وانا اداب امال اللى ف تجاره بيدفعوا كام علشان اقعد فى بيتنا واتفرج على المحاضرات فى الدش طب واللى معندوش دش لامؤخذه ) مش كفايه الواحد ساكت على المستوى المتدنى جداااا من التعليم والعملى اللى بندفع فيه دم قلبنا وبرضو الدكاترا بيطلعوا عينا ثانيا:منع دخول المنقبات الحرم الجامعى(عينوك الحاكم بأمره انت وشيخ الازهر حللت الاستريتش يا شيخنا وحرمت النقاب) هل هلالالالالالالالك يا عم هلال ابيييييض على كل ظالم واخضر على دماغ شيخ الازهر |
posted by high_staff at 10:27 AM
 ردا على حمله الحزب الوطنى الديمقراطى قال 14 ديسمبر تأييد لجمال مبارك رئيسا لمصر القادم لا لجمال مبارك ولا لعائله مبارك بأكملها قريبا اول سبتمبر |
posted by high_staff at 10:13 AM
مـــدونــه أحــبـــاط
 علينا المشاركه لكى نعبر عن غضبنا وسخطنا بكل سلمية.وما يفعله كلٌ منا فى ذلك اليوم:-شراء كل الإحتياجات والأدويه وجميع المستلزمات من قبل يوم الإضرابرفع أعلام سوداء إن أمكن لإعلان الحداد على مصر حتى نتخلص من الظلم والفسادالإمتناع عن العمل أو الدراسة معلناً الإضراب التامالخروج لأداء الصلاة بأقرب مسجد وكنيسة اطفاء النور فى البيوت من الساعة التاسعة مساء حتى العاشرة للاحتجاج على استمرار حكم مبارك واحتجاجا على ارتفاع أسعار الكهرباء بصورة مرهقة. |
posted by high_staff at 7:23 PM