Friday, November 17, 2006

مش هنشوف الاسفلت
افتكرت نكته بتاعه اللى راح يشتغل ممثل ولما سألوة اسمك ايه؟
قاللهم سيد زفت قالوله ماينفعش لازم تغيرة ولما غيرة سمى نفسه على زفت
احنا بالظبط عاماين كدة هنغير 76 بتاعه كيف ننتخب الرئيس؟
نقول لأ عايزين نغير 77 بتاعه المدة يقولولك طيب و88 بتاعه الاشراف القضائى؟؟
خلاص ياجماعه الريس تعطف وتشطف وقرر يعدل 76 من سيد زفت الى على زفت ياقلبى لا تحزن
انا اللى يفرق عندى الزفت نفسه لو اتغير كل حاجه هتبقى ميه ميه بدل ما احنا عمالين نلف حوالين نفسنا
اتولدنا وهنموت فى نفس العهد وولادنا ورانا وشكلنا كدة عمرنا ما هنشوف الاسفلت على رأى أشاوس الداخليه

2 comments:

3rby said...

تقصدي مين بالزفت؟
تقصدي السيد الرئيس الدكتور المهندس الاستاز حسني مبارك اللي عمل نهضة في مصر اكتر من اللي حصل فيها من ايام محمد علي؟!
حرام عليكي الراجل تعب من الحكم...وبعدين يشغل ابنه...مش لانه عاوز يشغله ولا حاجة...بس لانه متعود علي الرئاسة...قاعد مع الرئيس اربعة وعشرين ساعة
حرام عليكي ده عاوز مصلخة البلد:)

high_staff said...

هوة انا جبت سيرة حد يا عربى؟؟؟؟؟؟؟
دة اللى ربنا قدرك علية
على العموم انتة برضو كفاءة لية ما تبقاش انتة الريس الجديد
خلّص الثانوية العامة وفكّر بس لازم تكون علمىتاريخ
نورتنا

Post a Comment

Newer Posts Older Posts