Monday, August 28, 2006

قمّه الاحباط
.............................
لما تكون قاعد زى حضرتى كدة ونفسك مفتوحة على الكتابة ومحضّر نفسك بمقالين نار او على الاقل من وجهة نظرك انتة ناروهادخل على المنتدى السياسى اللى مشتركة فية والاقى شخصية معفنة من المقربين جاية تقوللى:خلّيكى كدة لحد ما يجيبوكى من قفاكى؟؟؟؟؟؟الكلمة غاظتنى قلتلها اولا محدّش يجيبنى من قفايا دول بالجزمة علطول ثانيا انا هاكتب عن اسرائيل وحرب لبنان قالت لى :هيضربوكى صاروخين يطيروكى من هنا قلت لها:ومالو فدا رجلين المقاومة وسماحة السيد ولسة هاقول يا هادى النور قطع..الاحباط بقى ان النور فضل قاطع للصبح شفت البنية التحتية ؟الاكثر احباطا ان الصبح بافتح المنتدى لقيتة قافل لاشعار اخر وموقع البلوجر واقع........هوة دة الاحباط الدّكر على حق فهل من مبارز؟؟؟؟؟؟؟؟

6 comments:

HANY said...

تحياتى
الحاجت دى بتحصل معانا كلنا مش معاكى انتى بس فمتخديش فى بالك واقلبى الموضوع كوميدى احسن
مستنى اشوف رؤيتك للاصلاح واتمنى لكى التوفيق وتقبلى تحاتى

shady said...

أنا كمان المنتدى اللى بدحل عليه واقع حتى اشعار اخر
هى شوطه ولا ايه

Tarek said...

Ya sater, 7aga e7bat fe3lan.
Bas bardo, wala yehemek

محمود الششتاوي said...

يااااه كل الناس بتقلما الكمتين دول وكمان تلاقي اللي بيقول انا مليش دعوة والكلام الكتير ده بس اهم حاجة اوعي تخلي كل ده يأثر عليكي خالص دي وسوسة شياطين وياريت تكتبي المقالات اللي كنتي هاتكتبيها احنا ملناش ذنب

المزاجنجي said...

ندي واضح انك وشك نادي بس هههههههههههه
الموضوع موضوع اعتاب يا ماما ابقى ادخلي النت برجلك اليمين

number1 said...

ربنا يكون في عونك بجد اتاثرت
النور قطع للصبح ؟ ودا خلاكي مش عارفه تكتبي ؟
لو انتي كنتي عاوزه تكتبي كنتي كتبتي علي شمعه او نزلتي تحت عمود نور وكتبتي
عرفتي بقي الاحباط بيجي منين ؟

Post a Comment

Newer Posts Older Posts