Wednesday, September 06, 2006

اخيرا اقنعت بنتى
.........................



اثناء احدى جلسات الصفاء بينى وبين المزغودة الصغيرة وهى قليلة لمناقشة الخطة الخمسية اليومية الوهمية لمواجهة مجموعة من الكوارث الاسرية نستعد لاستقبالها على الابواب قريبا ومش حصريا اعتقد الكل عندة نفس السبق ومعرفة كيفية التعامل معها اولا الدراسة وما ادراك ما مصاريف الدراسة وعندك واحد رمضان وواحد عيد وعدد كام شهر شتاء وكلوا على بعضو والعمل اية؟ نستغنى عن اية؟ ونتعفف عن اية؟ وننفض دماغنا من اية؟ خصوصا ان الراتب لسيادتى وبالمناسبة ليسانس لغة انجليزية للاسف.. ايوة طبعا لو كان ابويا اللة يرحمو علمنى صنعة ؟؟؟؟؟؟؟؟؟؟المهم لقينا كل الحلول فاشلة قلتلها عندى فكرة حوادث القطارات بقت زى الرز اية رايك نتابع الموضوع دة كويس واول ما نسمع عن حادثة قطر نجرى على موعد الحادث قبل ما توصل الحكومة بساعة ساعتين كدة وفى وسط الزحمة بين الناس اديكى مفك فى وشك او مطوة فى رجلك ونطلعك وسط المصابين ولا من شاف ولا من درى ونقفش الف جنية نحل المشكلة بتاعتناوللاقناع قلت لها ولكى علية يا ستى هجيب لك الشوز اللى نفسك فية وقفص منجة كمان عشان بتحبها.......فكرت شوية وقالت لى طب ما تموتينى احسن وتاخدى 3 الاف مؤقتا وبعدين تاخدى تلاتين الف تشيليهم لجهاز اختى لما تكبر؟؟؟؟؟؟؟؟ قلتلها والله فكرة وممكن بعدها اقدر اقنع التانية برضو بنفس الحكاية ونخلص من الجوز ونرتاح ونطلع بقى نشوف شرم ومارينا والكلام اللى مش هنشوفة خالص فى حياتنا دة واحنا فى الترفيصة الاخيرة نعيش لنا يومين.........الحوار دة حصل فعلا من باب التهريج والسخرية لكن انا عاوزة اقول فى الاخر يا شباب مصر يا ولادنا يا غاليين ما تزعلوش لما الاهالى يجوزوا ولادهم عرسان جاهزة ويرفضوكم

3 comments:

المزاجنجي said...

ندى تيرز او قطرات الندى او دموع الندى المهم فيها ندى وخلاص ايه كمية الاستكئبئب دي انت فكرتي تموتي البنتين علشان مصاريف مدرسة وكلام تعبان قوي يا ماما ممكن تضحي بواحدة منهم فالتعليم والتانية تلعب كورة ولا تمثل ولا تغني وتنجح وتجيب لكم شيء وشويات ....وشكرا لك على زيارتك واتمنى دوام التواصل

بحب مصر said...

ايه الفهلوة دى
فكرة جديدة و ساخرة جدا و مش بعيد ناس يعملوها , المصريين يفوتوا فى الحديد و يعملوا انئح من كده

Mongey said...

ظريف الموضوع بس ماعتقدش ان فكرةالقطر ديه ممكن تنجح يعني تلاتين الف جنيه ديه هتعمل ايه بعد 15 او20 سنة هتلاقي التلاتين جنيه ديه متجبيششجادة في جهاز(بهرج طبعا مش للدرجة ديه

Post a Comment

Newer Posts Older Posts